3. Kommunit

2019-imi kommunit 5.851 mio. kr.-inik aningaasanik atuisimapput. 2018-imut sanilliullugu kommunit aningaasat atugaat 4,3 pct.-inik qaffasinnerupput. 2018-imi kommunit ingerlatsinernut aamma aningaasaliinernut aningaasat atorsimavaat 5.608 mio. kr.-it. Titartakkami 3.1-imi 2019-imi kommunit aningaasat atugaat suliaqarfinnut immikkoortitat takuneqarsinnaapput.

 

Titartagaq 3.1
Kommunit aningaasat atugaat sulianut immikkoortiterlugit 2019

 

Kommunit ingerlatsineranni isumaginninnermut suliaat annertunerpaasimapput. Tassunga ilaapput; ilaqutariinnik, inuusuttunik, meeqqanik innarluutilinnik aamma utoqqarnik isumaginninneq, suliffeqarfiit, inissiat, pinaveersaartitsineq il.il. napparsimanermi, innarluuteqarnermi aamma suliffissaaleqinermi aningaasat tunniussat kiisalu inigisamut tapit, peqqissarneq, isumaginninnermi siusinaarluni suliunnaarnersiutit, utoqqalinersiutit il.il. 2019-imi isumaginninnermut aningaasat atorneqartut 3.006 mio. kr.-iusimapput, taakku kommunit aningaasanik atuinerisa 51,4 pct.-erisimavaat.

 

Kommunini ilinniartitaaneq pingaarutillit tullerivaat. Ilinniartitaanermut aningaasat atorneqartut ataaniipput; kommunit atuarfiinik, inuusuttut atuarfiinik, kollegianik, skolehjeminik ingerlatsinerit aamma ilinniarnermut tapit. 2019-imi 1.018 mio. kr.-it ilinniartitaanermut atorneqarsimapput, taakku kommunit aningaasanik atuinerisa 17,4 pct.-erisimavaat.

 

Nalinginnaasumik pisortat kiffartuussineranut aningaasat atorneqartut tassaapput kommunit allaffissornerinik, kommunalbestyrelsinik, nunaqarfiit aqutsisuinik, qinersinernik ataatsimiitsitalianillu assigiinngitsunik ingerlatsinernut atorneqartut. 2019-imi nalinginnaasumik pisortat kiffartuussinerinut 971 mio. kr.-init aningaasat atorneqarsimapput kommunit aningaasanik atuinerisa 16,6 pct.-eralugu.

 

Avatangiisit innarlitsaaliorneqarnerinut aningaasat atorneqartut tassaapput eqqakkanik katersinernut aamma erngup atornikup, suliarineqarnerinut iginneqarnerinullu aningaasat atorneqartut aamma eqqakkanik ikuallaaviit, eqqakkanik ulorianartunik tigooraaviit il.il ingerlanneqarnerinut aningaasat atorneqartut. 2019-imi avatangiisit innarlitsaaliorneqarnerannut aningaasat atorneqartut katillugit 189 mio. kr.-iusimapput kommunit aningaasanik atuinerisa 3,2 pct.-eralugu.

 

Suliffeqarnermi ingerlanneqartunut tunngasunut aningaasat atorneqartut tassaapput, nunalerinermut, aalisarnermut, piniarnermut, innaallagissamik kissamillu pilersuinermut, angallassinermut/assartuinermut, suliffeqarfinnut, niuernermut, takornariartitsinernut il.il. tapiissutit. 2019-imi aningaasaqarnermut tunngasunut 309 mio. kr.-it aningaasanik atuiffiusimapput, kommunit aningaasanik atuinerisa 5,3 pct.-eralugu.

 

Inissianut aamma pisortat illuutaanut aningaasat atorneqartut ukununnga atorneqarput; inissianik attartortitsinerni, inissialiornernik, sanaartorfigissaanernik, imermik pilersuinermik, aqqusinerni qullernik, inissianik ingerlatsineq pisortallu illuutaat pillugit ilisimatusarneq aamma ineriartortitsineq. 2019-imi inissiat aamma pisortat illuutaat pillugit aningaasat atorneqartut 112 mio.kr.-iupput kommunit aningaasanik atuinerisa 1,9 pct.-eralugu.

 

Takussutissiami 3.1-mi takutinneqarput kommunit aningaasarsiorneq tunngavigalugu aningaasat atugaat aamma isertaat.

 

Takussutissiaq 3.1
Kommunit aningaasat atugaat aningaasarsiorneq tunngavigalugu agguataarlugit

 

 

2015

2016

2017

2018

2019

 

 

Mio. kr.

1.

Ingerlatsinermut aningaasat atorneqartut ..

4.615

4.687

4.928

5.178

5.426

1.1

Atuinerit katillugit .....................

3.453

3.518

3.709

3.969

4.238

1.2

Ingerlaavartumik aningaasanik nuussinerit  .

1.163

1.169

1.219

1.210

1.188

 

 

 

 

 

 

 

2.

Aningaasaliinermi aningaasat atorneqartut .

368

413

510

429

426

2.1

Pigisanut nalilinnut aningaasat atorneqartut iluarsisat ...........................

367

403

506

429

411

2.2

Aningaasaliissutinik nuussinerit  .........

1

10

4

0

14

 

 

 

 

 

 

 

A.

Aningaasat atorneqartut katillugit.......

4.983

5.100

5.438

5.608

5.851

 

 

 

 

 

 

 

3.

Ingerlatsinermi isertitat .................

5.090

5.321

5.512

5.898

6.057

3.1

Inuussutissarsiutinit isertitat .............

355

357

373

365

358

3.2

Pigisanit nalilinnit isertitat ...............

16

17

28

30

17

3.3

Ingerlaavartumik akileraarutit ............

2.715

2.888

3.005

3.278

3.428

3.4

Ingerlaavartumik aningaasanik nuussinerit allat ...............................

2.005

2.059

2.106

2.226

2.254

 

 

 

 

 

 

 

4.

Aningaasaliissutinit isertitat .............

61

43

53

10

26

 

 

 

 

 

 

 

B.

Isertitat katillugit....................

5.151

5.365

5.565

5.908

6.083

 

 

 

 

 

 

 

C.

Ingerlatsinermi sinneqartoorutit (3-1) (sipaakkat tamakkerlugit).............

475

635

584

720

632

 

 

 

 

 

 

 

D.

Ingerlatsinermi aamma aningaasaatinit/pigisanit nalilinnit sinneqartoorutit (B-A)
(atorneqarsinnaalersut, ilanngaatissat ilanngaatigereerlugit)................

168

265

127

300

232

Malugiuk. Naatsorsuutit ataatsimoortinneqarput, taamaattumik ENS 1995 malillugu suliarineqarmata pisortaqarfiit akornanni nuussinerit ilaanngillat. Taamaasilluni 2019-imi Kommunit ingerlatseqatigiiffinnut immikkut inatsisitigut akisussaaffimmik tunineqarsimanngitsunut aningaassaliissutit 86 mio kr.-iusut kisitsisinut paasissutissanut ilanngunneqanngillat.

 

2019-imi kommunit aningaasaqarneranni 232 mio. kr.-inik sinneqartooruteqartoqarpoq. 2018-imut sanilliullugu isertitanit akileraarutit annertunerupput, kisianni ingerlatsinermut aningaasartuutit annertunerulerput, sinneqartoorutillu 2018-imit 68 mio kr.-inik annikinnerulertillugit. Ingerlatsinermit sinneqartoorutit 12,2 pct.-imik apparput aningaasanngorlugit 632 mio. kr.-iullutik.

 

Kommunit kiffartuussillutik tapiissutaat (atuinermut aningaasat atorneqartut) 269 mio. kr.-inik qaffappoq 4.238 mio. kr.-ininngorluni, 6,8 pct.-imik qaffalluni. Atuineq annerpaaq kommunini sulisunik akissarsisitsineruvoq, sulisunik akissarsisitsineq 146 mio. kr.-inik qaffassimavoq 2019-imi sulisunik akissarsisitsineq 2.364 mio. kr.-inngorsimalluni. Atuinermut ilaasat allat tassaapput pigisanit nalilinnit aningaasanik atuineq, tunisassiornermi nioqqutissanik kiffartuussinermilu tunisinermilu isertitat peereerlugit atuineq. Tunisassiornermi atuineq 139 mio. kr.-inik qaffappoq 1.784 mio. kr.-inngorlutik.

 

Kommunit aningaasaliineri tassaapput aalajangersimasunut nutaanut aningaasaliinerit aamma pigisanik nalilinnik pisineq tunisinerlu taakku 2019-imi 18 mio. kr.-inik apparsimapput 411 mio. kr.-inngorlutik 4,2 pct.-inik apparsimallutik.

 

Kommunit aningaasanik atuinerat isertitanit akileraarutinit aamma Namminersorlutik Oqartussanit tapinit annermik matussuserneqarsimapput. 2019-imi ingerlaavartumik akileraarutit 3.428 mio. kr.-iusimapput, 2018-imut sanilliullugu 4,6 pct.-imik qaffassimallutik. Namminersorlutik Oqartussanit aamma danskit naalagaaffianit ingerlaavartumik aningaasanik nuussinerit 2.254 mio. kr.-iusimapput 2018-imut sanilliullugu 1,3 pct.-inik qaffassimallutik.

 

2019-imi kommunit aningaasat atugaat 2018-imut sanilliullugu 243 mio. kr.-inik procentinngorlugu 4,3 pct.-inik qaffassimapput. Piffissami tassani kommunit isertitaat 175 mio. kr.-inik 3,0 pct.-inik qaffapput aningaasat atoriaannaat annikillillutik.